Java e 12-të në ProCredit Superligë solli disa përballje mjaft interesante.

Sfida më dramatike ishte në Prizren, mes Bashkimit dhe Golden Eagle Yllit, që është vendosur në momentet e fundit.

Takimi ishte me kthesa, ku të dy skuadrat dhanë maksimumin, por që përfundoi me fitoren e mysafirëve. Më i miri te therandasit ishte Quade Green me 30 pikë, dy kërcime, dy asistime, duke treguar lojë të mirë, sidomos në çastet vendimtare.

Derbin e rivalëve të vjetër e fitoi Peja ndaj Sigal Prishtinës, ku te verdhezinjtë u dalluan Jonathan Galloway me 11 pikë, 18 kërcime dhe një asistim, si dhe Tristan Ikpe me 11 pikë, nëntë kërcime dhe dy asistime.

Vëllaznimi shënoi fitore të rëndësishme ndaj Borës, ku te kuqezinjtë më i miri ishte Jason Jitoboh me 14 pikë, pesë kërcime dhe një asistim.

Trepça brenda dhjetë ditësh fitoi ndaj Proton Cable Prizrenit, kësaj radhe në elitë, ku te mitrovicasit Dardan Kapiti kishte dyshifror të dyfishtë prej 11 pikëve, dhjetë kërcimeve dhe një asistim.

MVP

Quade Green (Golden Eagle Ylli)    30 pikë, 2 kërcime, 2 asistime, 22 indeksi

Top 5

Quade Green (Golden Eagle Ylli)    30 pikë, 2 kërcime, 2 asistime, 22 indeksi

Jonathan Galloway (Peja)          11 pikë, 18 kërcime, 1 asistim, 25 indeksi

Jason Jitoboh (Vëllaznimi) 14 pikë, 5 kërcime, 1 asistim, 23 indeksi

Tristan Ikpe (Peja)                     11 pikë, 9 kërcime, 2 asistime, 22 indeksi

Dardan Kapiti (Trepça)             11 pikë, 10 kërcime, 1 asistim, 21 indeksi