Basketbollistet më të dalluara xhiros së pestë në Superliga Femrat

Java e pestë në Superliga Femrat solli sfida interesante. Basketbollistja më e mirë e kësaj xhiro ishte Veronika Liubitines e Peja 03. Ajo në derbin e qytetit ndaj Penzës e mbylli ndeshjen me 24 pikë e 12 kërcime, ndërsa shënoi pikët vendimtare për 62:64, duke i dhënë një fitore shumë të rëndësishme skuadrës së saj.

Bashkimi regjistroi fitoren e pestë në pesë takime të zhvilluara. Në fitoren ndaj Trepcës 52:76 u dalluan Dana Thompson dhe Aulona Muhadri. Thompson kishte 30 pikë, nëntë kërcime e katër asistime, kurse Muhadri 11 pikë e 11 kërcime, duke shtuar edhe katër asistime.

Prishtina shënoi fitore shumë të rëndësishme, duke mundur Junior 06 Moni Bau, ku shkëlqeu Alaina Rice me 18 pikë, 19 kërcime, 12 asistime, derisa u ndihmua nga Jayla Johnson me 19 pikë e tetë kërcime.

Top 5

Aulona Muhadri (KBF Bashkimi) 11 pikë, 11 kërcime, 4 asistime

Dana Thompson (KBF Bashkimi) 30 pikë, 9 kërcime, 4 asistime

Veronika Liubitines (KFB Peja 03) 24 pikë, 12 kërcime

Jayla Johnson (KBF Prishtina) 19 pikë, 8 kërcime

Alaina Rice (KBF Prishtina) 18 pikë, 19 kërcime, 12 asistime

‍