Federata e Basketbollit të Kosovës (FBK) shpall konkurs për pozitën e praktikantit/e në Departamentin e Mediave dhe Marketingut. Ne kërkojmë një person të motivuar, kreativ dhe bashkëpunues, që dëshiron të zhvillohet profesionalisht në një ambient dinamik dhe sfidues. 

Përgjegjësitë Kryesore:

Ndihma në krijimin dhe zhvillimin e përmbajtjes për kanalet e mediave sociale të FBK-së .

Pjesëmarrja në organizimin dhe promovimin e aktiviteteve dhe ngjarjeve të ndryshme sportive .

Mbështetje në përgatitjen e materialeve promovuese dhe fushatave të marketingut .

Bashkëpunimi me ekipin e departamentit për zbatimin e strategjive të marketingut dhe komunikimit .

Kriteret e Kërkuara:

Të jetë kreativ/e dhe i/e aftë për të menduar jashtë kornizave të zakonshme.

Aftësi të shkëlqyera bashkëpunuese dhe komunikimi.

Njohuri në përdorimin e mediave sociale.

Diplomë e shkollës së mesme (preferohet student/e ose i/e diplomuar në marketing, komunikim, gazetari apo fusha të ngjashme ).

Patentë shofer/Kategoria B.

Aftësi të mira organizative dhe menaxhimit të kohës.

Njohuri në përdorimin e programeve bazë të paketës Microsoft Office (Word, Excel, PowerPoint).

Përfitimet:

Mundësia për të fituar përvojë praktike në një nga organizatat kryesore sportive në vend.

Punë në një ekip profesional dhe mbështetës.

Mundësi për rritje profesionale dhe rrjetëzim në industrinë e sportit.

Punë praktike me pagesë.

Si të Aplikoni:

Të gjithë të interesuarit duhet të dërgojnë CV dhe një video 30 sekonda ku prezantohen dhe të shpjegojnë pse janë të interesuar për këtë praktikë dhe si përmbushin kriteret e kërkuara, në adresën: office@basketbolli.com deri më 20 shtator 2024, me titullin “Praktikant/e në Departamentin e Mediave dhe Marketingut”.

Kandidatët e përzgjedhur në listën e ngushtë do të ftohen për intervistë nëpërmjet telefonit.

Federata e Basketbollit të Kosovës inkurajon të gjithë të rinjtë e talentuar dhe të pasionuar për basketbollin dhe marketingun që të aplikojnë dhe të bëhen pjesë e ekipit tonë! 

Ejani dhe bëni një hap drejt një karriere të shkëlqyer në botën e sportit!