Trepça është shpallur kampione e Kosovës. Në një super ndeshje dhe në një super kampion, mitrovicasit triumfuan 67:66 (10:16, 20:14, 7:11, 30:25).
Me këtë përfundoi ky edicion që ishte i jashtëzakonshëm, derisa finalja e pestë u zhvillua në një super atmosferë në Mitrovicë.
Mysafirët e nisën ndeshjen më mirë, duke fituar çerekun e parë 10:16, por vendasit u kundërpërgjigjën shpejt, ku pjesa e parë përfundoi 30:30.
Përballje shumë interesante u zhvillua në pjesën e dytë, ku asnjëra skuadër nuk arrinte të shkëputej dhe të dyja luftuan deri në fund për fitore, por Trepça triumfoi 67:66, për tu shpallur kampione e Kosovës për herë të pestë dhe për herë të parë nga viti 2012.
MVP është shpallur Darnell Edge, i cili e përfundoi ndeshjen me 15 pikë, pesë kërcime e gjashtë asistime, dhe ishte njëri nga lojtarët më të mirë të mitrovicasve këtë edicion. Çmimi MVP iu dorëzua nga Sekretarja e Përgjithshme e FBK-së, Elvira Dushku.
Kupën kapitenit të Trepçës, Valdrin Haxhiu ia dorëzuan Kryetari i FBK-së, Arben Fetahu dhe zëvendësministrja e Ministrisë së Kulturës, Rinisë dhe Sportit, Daulina Osmani.
Regjistrohuni për t'u informuar për lajmet më të fundit nga Federata e Basketbollit të Kosovës!
Copyright © Përkrahur me nga Global CT
.jpg)
