FBK, sërish pjesëmarrëse në Panairin e Turizmit dhe Sportit

Më 16-17 Prill do të zhvillohet Panairi i Turizmit dhe Sportit në Prishtinë.

Panairi do të mbahet në palestrën “1 Tetori” nga ora 10:00 deri 17:00.

Ministria e Kulturës, Rinisë dhe Sportit në kuadër të politikave për promovimin e Sportit dhe për rritjen e numrit të qytetarëve të përfshirë në aktivitete sportive, vitin e kaluar, në bashkëpunim me Komitetin Olimpik të Kosovës, është siguruar pjesëmarrja e federative sportive për prezantim të punës dhe programeve të tyre në panair. 10 federata sportive kanë marr pjesë në Panairin e Turizmit dhe Sportit dhe sipas dhënave brenda dy ditësh, mbi 18.000 vizitorë ishte vizituar panairin e sportit.

Në këtë event do të marrë pjesë edhe Federata e Basketbollit e Kosovës, që është hera e dytë radhazi.

FBK do të prezantojë pesë eventet që do t’i organizojë gjatë verës: FIBA 3x3 Europe Cup Qualifier, FIBA Kampionatit Evropian për Shtete të Vogla - Femrat, FIBA 3x3 Women’s Series, FIBA 3x3 Challenger Prishtina, IBA U18 Kampionati Evropian, Divizioni C për Femra si dhe për Basketbollin 3x3 në kuadër të Projektit “Sport në Shkolla”.

Federata e Basketbollit e Kosovës fton të gjithë adhuruesit e basketbollit që të vizitojnë stendën e saj, ku do të njoftohen për garat e verës dhe projektet nga FBK, derisa gjithashtu do të ketë edhe dhurata.

‍