Më 1 dhe 2 Prill në Prishtinë do të zhvillohet Final 4 i Liga Unike Femrat.
Pas përfundimit të dhjetë xhirove të rregullta, është koha për Final 4, ku do të luftohet për trofeun e çmuar.
Bashkimi, Prishtina, Tirana dhe Penza do të garojnë në kryeqytetin e Kosovës për trofeun e çmuar.
Në gjysmëfinalen e parë do të ndeshen Bashkimi dhe Tirana. Skuadra prizrenase e përfundoi edicionin në vendin e parë me dhjetë fitore në dhjetë ndeshje, duke kërkuar titullin e parë të kësaj lige, derisa tiranaset u renditën në vendin e katërt me katër fitore e gjashtë humbje.
Dueli tjetër gjysmëfinal është mes Prishtinës dhe Penzës. Prishtinaset që janë organizatore të Final 4, duan finalen, derisa në garat e rregullta, u renditën në vendin e dytë me tetë fitore e dy humbje, derisa pejanet u pozicionuan në vendin e tretë me katër fitore e gjashtë humbje.
Ndeshja për vendin e tretë dhe finalja do të zhvillohen më 2 prill.
Ndeshjet në Kosovë transmetohen në Art Motion&Kujtesa, derisa në Shqipëri transmetohen në RTSH.
1 Prill
17:00: Bashkimi - Tirana
20:00: Prishtina - Penza
2 Prill
17:00: Ndeshja për vend të tretë
20:00: Finalja
Regjistrohuni për t'u informuar për lajmet më të fundit nga Federata e Basketbollit të Kosovës!
Copyright © Përkrahur me nga Global CT
.jpg)
