Bashkimi i bashkohet Prishtinës në finale

Bashkimi ka triumfuar në gjysmëfinalen e Kupës së Kosovës ndaj Peja 03 me rezultat 82:68 (26:12,19:19,16:22,21:15).

Bashkimi që nga fillimi e pati lojën nën kontroll duke arritur që në fillim të shënojë 26 pikë, kurse pranoi 12 pikë nga Peja 03.

 

Në çerekun e dytë u pa lojë e barabartë nga dy skuadrat, duke shënuar nga 19 pikë, ku pikët e barabarta në këtë çerek i mundësuan Bashkimit që në pushim të shkojë me 14 pikë epërsi.

 

Peja 03 në çerekun e tretë pati super seri duke arritur që ta shkrijë epërsinë e krijuar nga Bashkimi, ku në këtë çerek Peja 03 arriti që të jetë e saktë për 22 pikë, kurse Bashkimi u kundërpërgjigj me 16 pikë.

Por, Bashkimi nuk lejoi befasi në këtë ndeshje kaq të rëndësishme. Në çerekun e fundit e bëri shkëputjen vendimtare duke arritur që të kualifikohet në finalen e Kupës së Kosovës me rezultat 82:68.

 

Për fitoren e Bashkimit u dalluan Arbnore Perquku me 17 pikë, 8 kërcime dhe 12 asistime, duke u ndihmuar nga Sarah Mgbeike me 15 pikë, 10 kërcime dhe 7 asistime.

 

Te Peja 03 më e dalluara ishte Zërina Shatri me 21 pikë, 9 kërcime dhe 2 asistime.

 

Bashkimi finalen e Kupës së Kosovës do ta zhvillojë me Prishtinën, më 17 shkurt në Gjakovë.