15/11/2026
Trepça fitoi ndaj Pejës në udhëtim me shifrat 83:85, në një sfidë që ishte mjaft interesante.
Dallimi i madh dhe vendimtar u bë në periudhën e tretë, ku kampionët e fituan 12:27. Ndërkohë pjesa e parë ishte e baraspeshuar, kurse mitrovicasit arritën të ruajnë epërsinë e krijuar në dhjetëminutëshin e tretë, për të fituar në fund me dy pikë dallim.
Më i dalluari te vendasit ishte Domenic Artis me 26 pikë, tetë kërcime e gjashtë asistime, derisa te mysafirët Dardan Kapiti kishte 16 pikë, ndërsa Shawn Jones shtoi 13 pikë e 11 kërcime.
Peja ka dy fitore e shtatë humbje, derisa Trepça shtatë fitore e dy humbje.