Federata e Basketbollit të Kosovës hap konkurs:

Titulli i vendit të punës:  Zyrtar/e për Financa në Departamentin e Financave

Orari i punës: 40 orë në javë (Orar i plotë)

Kohëzgjatja e kontratës: 6 muaj me mundësi vazhdimi

Lokacioni: Prishtinë

Detyrat dhe përgjegjësitë:

• Zyrtari/ja për Financa në Departamentin e Financave është përgjegjës për “shëndetin” financiar të FBK-së’’;
• Asiston Menaxherin e Financave në mbledhjen, përgatitjen dhe interpretimin e raporteve, buxheteve, llogarive, komenteve dhe pasqyrave financiare;
• Asiston Menaxherin e Financave për përgatitjen e raporteve javore, mujore, vjetore, për Kryetarin dhe Sekretarin e Përgjithshëm të FBK-së;
• Përgatit fatura në emër të FBK-së;
• Asiston Menaxherin e Financave në kontrollimin e të ardhurave, rrjedhës së parasë, keshit dhe shpenzimeve të FBK-së;
• Zhvillon dhe menaxhon sistemet/modelet e brendshme financiare;
• Asiston Menaxherin e Financave në përgatitjen e listave të pagave për stafin e zyrës ekzekutive, si dhe për gjyqtarët/vëzhguesit, si dhe për stafin shtesë të FBK-së;
• Merr pjesë në stafin organizativ në të gjitha aktivitetet e federatës, si organizimi i Kuvendit të FBK-së, Kupës së Kosovës, kampeve, turneve, seminareve, klinikave dhe organizimeve për Përfaqësuesen A dhe Përfaqësueset e Reja të Kosovës;
• Asiston Menaxherin e Financave në mbylljen e projekteve për MKRS, KOK, KON, FIBA, Ambasada të huaja që veprojnë në Kosovë;
• Punë tjera të deleguara ndërkohë nga Menaxher i Financave;
• I raport direkt Menaxherit të Financave dhe Sekretarit të Përgjithshëm të FBK-së, që është përgjegjës/e për zyrën ekzekutive të FBK-së;

Kualifikimet:

• I/e diplomuar në drejtimin Financa dhe Kontabilitet;
• Njohuri të shkëlqyeshme të punës me kompjuter;
• Aftësi shumë të mira në përdorimin e MS Office (veçanërisht Excel dhe Word);
• Të ketë njohuri të gjuhës angleze;
• Aftësi të avancuara te komunikimit verbal dhe përmes e-mailit;
• Aftësi analitike në punë;
• Të jetë i/e gatshme për të përvetësuar vazhdimisht njohuri e shkathtësi të reja në punë;
• Të jetë i/e aftë të punojë në grup dhe punë individuale;
• Përvoja e punës është përparësi;

Të gjithë ata që posedojnë aftësitë dhe kualifikimet e kërkuara më lart, si dhe dëshirojnë të bëhen pjesë e ekipit të Federatës së Basketbollit të Kosovës janë të mirëpritur të aplikojnë deri në 7.4.2025 duke dërguar CV-në federata@basketbolli.com me titullin “Aplikimi për Zyrtar/e për Financa në Departamentin e Financave”.

Kandidatët e përzgjedhur në listën e ngushtë do të ftohen për intervistë nëpërmjet telefonit.

Mesjava sjell ndeshjet e javës së 27-të në ProCredit Superligën e Kosovës, njëkohësisht e parafundit për garat e rregullta.

Kjo xhiro do të dhurojë shumë sfida interesante.

Golden Eagle Ylli dhe Vëllaznimi kanë pikë të barabarta me 13 fitore e 13 humbje, andaj pritet një sfidë shumë interesante në Therandë dhe e baraspeshuar njëkohësisht. Dy skuadrat janë në formë të lartë dhe synojnë të përfundojnë garat e rregullta sa më lart në renditje.

Ndeshja tjetër e së mërkurës është ndërmjet Borës dhe Proton Cable Prizrenit, vendit të shtatë dhe tetë në renditje. Prishtinasit në edicionin debutues në elitë kanë tetë fitore e 18 humbje dhe do të luajnë në “Play-out” me finalistin e Ligës së Parë për një vend në elitë edicionin e ardhshëm, ndërkohë, prizrenasit kanë pesë fitore e 21 humbje.

E diela është e rezervuar për super derbi, me katër skuadrat e para në renditje që gjithashtu synojnë të renditen sa më lart para garave shtesë, njëkohësisht është përballja mes katërshes së madhe të basketbollit të Kosovës.  

Sfidë interesante pritet në kryeqytet, ku ndeshen Sigal Prishtina dhe Bashkimi. Prishtinasit janë në vendin e tretë me 16 fitore e dhjetë humbje, ndërsa prizrenasit në vendin e parë me 18 fitore e tetë humbje.

Në Pejë, përballen Peja dhe Trepça. Verdhezinjtë janë në vendin e katërt me 14 fitore e 12 humbje, kurse ‘Xehetarët’ janë në vendin e dytë me 17 fitore e nëntë humbje.

ProCredit Superliga-Java 27

E mërkurë

19:00 Golden Eagle Ylli – Vëllaznimi

19:00 Bora - Proton Cable Prizreni 

E enjte

19:00 Sigal Prishtina - Bashkimi 

19:00 Peja - Trepça