Komesari i Garave të FBK-së, Faton Kurshumlija dhe dy gjyqtarët e njohur, Xhelal Mumini dhe Elldin Ulgari do të jenë pjesë e garave të rëndësishme evropiane.

Faton Kurshumlija do të jetë FIBA Komisionier në takimin Emlak Konut – TTT Riga më 16 tetor FIBA EuroCup Women në grupe, më pas Fenerbahçe Spor Kulübü vs DVTK HUNTHERM më 29 tetor në kuadër të grupeve të Euroleague Women, si dhe në ndeshjen Emlak Konut-BC Saarlouis e.V. më 30 tetor në grupet e FIBA EuroCup Women.

Gjyqtari Xhelal Mumini do të gjykojë në ndeshjet ZKK Ragusa vs Basket Lattes, që do të zhvillohet më 23 tetor si dhe në sfidën Besiktas JK vs KSSSE ENEA më 30 tetor. Të dy këto ndeshje janë në kuadër të grupeve të FIBA EuroCup Women, një garë prestigjioze për basketbollin e femrave në Evropë.

Gjyqtari tjetër nga Kosova, Elldin Uglari do të gjykojë në përballjen BCF Elfic Fribourg - Sleza Wrocław S.A, më 23 tetor, po ashtu në kuadër të grupeve të FIBA EuroCup Women.

KBF Peja 03 e nisi me fitore aventurën historike në FIBA EuroCup Women 2025/26, duke triumfuar në udhëtim ndaj Levharti Chomutov 🇨🇿 me rezultat 65:73 (19:16, 19:12, 10:19, 17:26).

Kjo ishte fitorja e parë për një skuadër nga Kosova në këtë garë prestigjioze për basketbollin evropian të femrave. Vajzat e Pejës treguan lojë të disiplinuar dhe me shumë energji, duke u rikthyer fuqishëm në pjesën e dytë për fitoren e parë evropiane.

Te Peja 03 u dalluan disa prej lojtareve kryesore me paraqitje të shkëlqyera në të dyja anët e parketit ishin Eve Wembanyama me 27 pikë e gjashtë kërcime dhe Jacairan Allen me 18 pikë e 12 kërcime.

Kjo ishte ndeshja e parë për Pejën në fazën e grupeve të EuroCup Women, ndërsa vajzat do të vazhdojnë rrugëtimin me synimin për të përfaqësuar me krenari Kosovën  në arenën

Federata e Basketbollit e Kosovës me kënaqësi njofton se, Jeta Zeka dhe Genc Vitaku, kanë marrë pjesë në FIBA Kampin e Gjyqtarëve në Madrid.

Ky Kamp i organizuar nga FIBA Evropa ka qenë i obliguar për gjyqtarë e rinj të licencuar, ku nga Kosova kanë qenë gjyqtarët, Jeta Zeka dhe Genc Vitaku.

Gjyqtarët nga Kosova ishin pjesëmarrës në Kampin nga 3 deri më 6 tetor, që ka qenë shumë intensiv, por edhe shumë i nevojshëm për zhvillimin e tyre në karrierë.

Në këtë Kamp ligjërues ishin emra të njohur të gjykimit të basketbollit evropian.

Davorin Nakic, Menaxheri i Departamentit të Gjyqtarëve të FIBA-s ka qenë njëri ndër ligjëruesit kryesorë. Ndërkohë, kanë ligjëruar edhe FIBA Instruktorët: Johnny Jacobs, Julien Chantal, Miodrag Licina dhe Fernando Garzon, si dhe Manuel Mazzoni, gjyqtar me përvojë nga FIBA Liga e Kampionëve dhe David Suarez, trajner kondicional.

Zëvendës Sekretari i Përgjithshëm i FBK-së dhe Drejtori i Përfaqësuesve, Adriatik Rraci, është përzgjedhur të marrë pjesë në Programin për liderë strategjikë, program zyrtar i organizuar nga FIBA për herë të parë.

Rraci është një nga 30 të pranuarit nga më shumë se 50 kandidatë nga e gjithë bota. Ky program i pari i këtij lloji është dizajnuar për liderë aktualë dhe në zhvillim, drejtues të federatave, ligave dhe klubeve të basketbollit, si dhe ish-lojtarë që kërkojnë të zhvillojnë aftësi të thella në menaxhimin e sportit dhe tranzicionin e karrierës.

Ky sukses shënon një hap historik për Kosovën dhe Federatën e Basketbollit, duke na vendosur në hartën ndërkombëtare të sportit dhe duke dëshmuar profesionalizmin tonë në menaxhimin e basketbollit. Për basketbollin në vend, ky është një mundësi e jashtëzakonshme për të zhvilluar lidership strategjik, organizim eventesh dhe trajnime që do të përmirësojnë cilësinë dhe ndikimin e sportit në nivel kombëtar dhe ndërkombëtar.